مرة كان فيه واحد عايز يقتل
صاحبه من غير مالبوليس يعرف فسال الناس يعمل ايه فالناس قالوله ان مافيش
حد يقدر يدله ازاى يعمل كده غير شيخ هندى فالمهم الراجل ماكدبش خبر وجرى
عالهند يسال فين الراجل ده فالناس اللى هناك قالوله ده فوق اعلى جبل هنا
مش بينزل منه والراجل ده يا عينى مش بيعرف طبعا يتسلق الجبال فاضطر انه
ياخد كورس تسلق جبال قعد حوالى سنة لغاية ماتعلم وبعدين طلع الجبل فالشيخ
استقبله احسن استقبال وعامل ايه يا ابنى كويس هاهاها المهم الراجل قاله
انا قاصدك فى خدمة الشيخ: اامر الراجل قاله انا عايز اقتل صاحبى من غير
مالبوليس يعرف اعمل ايه؟ الشيخ قاله بص يا ابنى انت هاتجيبلى اسنان تمساح
شاب واكبر ماسة فى العالم ولبن العصفور الراجل طبعا استغرب بس قاله ماشى
المهم نزل من الجبل فى ست شهور علشان النزول اسهل من الطلوع طبعا المهم
الراجل رجع مصر وسال ازاى يجيب تمساح شاب الناس قالوله مافيش غير ادغال
افريقيا طبعا الراجل جرى على ادغال افريقيا يدور منين يصطاد تمساح شاب
المهم لقى صيادين هناك فسالهم قالوله : انت هاتشوف التمساح لو سنانه اقل
من 50 سنة يبقى ده لسة صغير لو لقيتهم اقل من 80 يبقى ده مابين الضغير
والشاب ولو اقل من 100 يبقى ده شاب اكترمن 100 يبقى عجوز فالراجل قاله بس
انا هاعرف ازاى اخلى التمساح يفتح بقه الصياد: لاء ماانت هاتخدره الاول
الراجل : بس انا مش معايا مخدر الصياد:خلاص اشترى المهم الراجل رجع مصر
يجيب مخدر وبندقية وجه المهم يضرب الاولانى ويشوفه لاء عجوز ويروح معلم
عليه علشان مايخدهوش تانى التانى لاء التالت برده لاء لغاية مالقى تمساح
فاتح بقه من بعيد كده علشان العصافير تاكل مابين سنانه عد سنانه لقاه شاب
جه يضربه بالمخدر المخدر خلص!!! اضطر يرجع مصر تانى يجيب مخدر تانى المهم
جاب سنان التمساح فاضله اكبر ماسة فى العالم المهم الراجل قعد يخطط حوالى
3 سنين عقبال ماقدر يجيبها خلاص جابها المهم الراجل نسى المطلوب التالت
كان ايه اضطر يرجع الهند تانى جه يطلع الجبل مش عارف !! نسى ازاى اضطر
ياخد كورس تسلق الجبال من تانى بس المرادى اخده فى ست شهور علشان كان فاكر
كتير من قبل كده المهم طلع للشيخ ايه شيخ ايه يا ابنى جيبت الحاجة لا
والله انا نسيت تالت حاجة ايه؟؟ لبن العفور يا ابنى قاله اه معلش المهم
الراجل نزل فى تلات شهور المرادى علشان النزول اسهل من الطلوع طبعا المهم
علشان ماحدش يقتلنى الراجل قعد حوالى سنتين عقبال ماعرف يجيب لبن العصفور
المهم جابه ورجع الهند جه يطلع نسى تانى ازاى يطلع اضطر ياخد الكورس من
تانى بس المرادى تلات شهور بس علشان اخده قبل كده مرتين فتقريبا فاكر بس
طلع فى تلات شهور تانيين والشيخ بقى بالاحضان وعامل ايه المهم الراجل :انا
جبتلك كل اللى انت قولتلى عليه اهو اعمل ايه الشيخ:بص يا ابنى انت هاتحطهم
فى الكروانة اللى جمبك دى وهاتقعد تقلب فيهم مع الميا طبعا لغاية مايسيحوا
كلهم هايخدوا منك حوالى سنتين بس طبعا هيقوم ياكل ويشرب ويرجع يكمل مش
هايقعد كده عالكروانة سنتين المهم السنتين خلصوا والخليط جهز فالشيخ قاله
خلاص كده بص انت هاتعمل ايه انت هاتحطهم كلهم فى ازازة قاله ماشى وتاخد
صاحبك فوق اعلى عمارة عاندكم فى مصر قاله ماشى وتوريه الازازة دى ماشى
تقوله بص الازازة دى هايبص عليها تقوم راميها من فوق العمارة هايبص عليها
تروح راميه من فوق >بس ولا من شاف ولا من درى










__________________

الف شكر
مجهود اكتر من راااائع
تسلم عليه

ههههههههههههههههههههه جامدة اوي