الاياصاحبي طالت بك الغيبة عساك بخير***ترى قلبي من غيابك حزين وفاقد شعوره
توسّــدت الألم لمّـا بكـــاك الــحب والـتـقـديـر***ووجهي من شقى بُعدك تـجهّم وانطفى نوره
ألا ليت اللقى يشرى وابيع العمر بالي يصير***واشوفك بس لو لحظة تردّ الروح مسروره
أنا لي صاحب ٍ ما ارضى أبدّل خوّته بالغير ***وفيُّـ وقفته مثل الصبى والارض ممطورة
تخاوينا على وضح النقى ياصاحبي والخير***على شرع الوفا نمشي ونوقف عند دستورة
خذاه الوقت بــظـــروفه وبدلّ فرحته تعكير***عساه من السفر يرجع وهجره ينتهي جورة
ألا ياصاحبي ردّ الخبر لا تشغل الـتــفـــكــيـــر***بدونك عشت في غربة مَعَ ساعات مهدورة
يموت/القلب فغيابك من صروف الزمن تعزير***أذوق الموت وآمالي من الآهات مبتورة
خذاني شوقي الجامح على الأوهام والتغرير***ما الوم العين لاهلّت دموع الشوق معذورة
اشوف العذر فغيابك خـجول ولا لقى تبرير***يردد للقى (لحظة !) ويتلعثم من قصوره !
تواعدني على اللقيا ومن الفرحه بغيت آطير***ولكن للأسف خابت ظنون ٍ فيك مغرورة
تـمـنـيـني وتـتـركني رهين الــصـــبر و التأخير ***يا ليت تشوف فالخاطر مشاعر حيل مكسورة
ألا يا صاحبي يكفي! ترى هذا الزمان اقْصير***يموت الوقت فغيابك ويفنى الدهر وشهوره
أناديلك ولا تسمع ! وقرآنك شكى التقصير ***بكتك ايامنا وحنّت عليك آيات مهجورة
ترى لو تقصد الــزلّــة معي أوخانك الـتـعـبـيـر*** تموت الروح ! ما أنسى زمان الودّ وزهوره
الا يا صاحبي طالت بك الغيبة عساك بخير*** يموت الــودّ فغيابك وتبقى للألم صـــــــورة