شــــبكة عرب مرح
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


منتدى عام ومتنوع يقدم مجموعة متميزه من الالعاب والبرامج والمواضيع العامة
 
الرئيسيةالرئيسية  أحدث الصورأحدث الصور  التسجيلالتسجيل  دخولدخول  

شاطر
 

 طريقه تفريخ الفايتر من الالف الى الياء مع الصور

استعرض الموضوع التالي استعرض الموضوع السابق اذهب الى الأسفل 
كاتب الموضوعرسالة
معلومات العضو
EnG.MeRo

EnG.MeRo


Administrative

معلومات إضافية
مزاجــي : فرحان
الجــنس : ذكر
المـشـاركات : 1821
نقــاط التميز : -2147329071
رصيدي : غير محدود !!
معلومات الاتصال
http://arapmarah.f-orum.com
مُساهمةموضوع: طريقه تفريخ الفايتر من الالف الى الياء مع الصور   طريقه تفريخ الفايتر من الالف الى الياء مع الصور I_icon_minitimeالجمعة مايو 27, 2011 7:07 pm

طريقه تفريخ الفايتر من الالف الى الياء مع الصور

اخوتى الاعزاء سبق عرض
المعلومات التاليه فى مواضيع سابقه عديده ولكنى لاحظت كثره وتكرار السؤال
من وقت لاخر, وعليه فكرت فى اعاده عرضها على حضراتكم تحت عنوان محدد لسهوله
البحث عنها والاستفاده منها كلما لحتاج الامر او بالنسبه للاصدقاء
الجدد......وبالتوفيق لكل من يحاول تفريخ الفايتر باذن الله وعلى فكره بعد
عرض الموضوع للمره الاولى حاول ونجح العديد من الاصدقاء فى المنتدى فى
تفريخ الفايتر فهى سمكه جميله وسهله باذن الله.

كيف اعرف ان الانثى مستعده للتزاوج

دى صوره انثى غير جاهزه
طريقه تفريخ الفايتر من الالف الى الياء مع الصور Betta%20splendens%20female


ودى صوره انثى جاهزه لوضع البيض لاحظ بطنها وقارن الفرق مع الانثى الغير جاهزه
طريقه تفريخ الفايتر من الالف الى الياء مع الصور Anatomy_female

حوض التفريخ
كلما صغر حوض التفريخ كلما سهل على الذكر السيطره على الموقف بالنسبه
لتجهيز العش وتعصير للانثى والعنايه بالبيض والصغارواهم حاجه انه مايكونش
حوض عريض فالعش يتهد او غويط فالدكر هو اللى يتهد من الطلوع والنزول خلف
البيض او الفقس (من 25 سم الى 40 سم مناسب جدا)

المياه
المياه لازم تكون قديمة علشان المياه الجديدة موش كويسه على الفيتر وبتسبب
أذى لجهازة التنفسى وكمان الفايتر اساسا بيعيش فى مياة راكدة وقدم المياه
بيعطيه احساس بالامان والارتياح واحساس بالتواجد فى بيئته الطبيعيه.

يعنى ايه مياه قديمه
لو عندك جيركن كبير ونظيف املاه مياه من الحنفيه واركنه اسبوع او اتنين يبقى عندك احتياطي مياه قديمه تستعملها وقت ما تحتاجها


وفيما يلى خطوات عمليه التفريخ:

اى ذكر فايتر مكتمل النمو ووضع وحدة فى حوض ليس به تيارات مياه قويه يكون
جاهز للتزاوج وبالنسبه للانثى فتكون ممتلئه البطن ويلاحظ وجود انبوب ابيض
صغير كعلامه على استعدادها لوضع البيض.

التفريخ يتم فى حوض صغير الحجم زى اللى سبق ذكره وطبعا بنحاول عند تفريخ اى
سمكه محاكاة بيئتها الطبيعية من درجه حرارة وتركيبه المياه ودرجه
الملوحة......الخ علشان كدة لازم مياه قديمه لان الفايتر اساسا بيعيش فى
مياه راكدة ومستنقعات.

درجه الحرارة المناسبه 28 درجة مئويه, وتركيبه مياه النيل من حيث الملوحه والقلويه والعسر ما فيهاش مشاكل تستاهل التدخل.

يوضع الذكر فى الحوض ولتسهيل عمليه بناء العش عليه يوضع بعض النباتات
الطافيه (طبيعيه او صناعيه متفرقش) او قطعة فل او اى حاجة الراجل يبنى عش
زوجيته بيها اما حجم العش فا موش مهم المهم كثافته والاهم هى كفائه الذكر
وتفانيه فى رعايه اولادة.

بص باه سر حربى انا شخصيا بسميه الخطه قطه: معظم الزيجات الفيتريه بتفشل
والمرحومه الزوجه لو اتكتبلها عمر بتحتاج معجزة علشان ترجع سمكه تانى لان
احنا بنحطها فى الحوض بعد الذكر ما يبنى العش ودى بتكون اكثر لحظات عمره
عصبيه وفى اغلب الاحيان العلقة المميته اللى بتاخدها الانثى بتكون خناق موش
عمليه التعصير( نزول البيض) علشان كدة لازم الخطه قطه وهى ان احنا نحط
حضانه صغيرة او دورق او برطمان فى نفس حوض التفريخ ونحط الانثى فيه يومين
تلاته علشان ندوب التوتر شويه (مياه البرطمان او الحضانه تكون من نفس الحوض
ولو مخرم يبقى احسن واحسن)

اول ما بناء العش يكمل واعصاب اخينا تهدا (وتعرف انه هدى لما تلاقيه
بيستعرض زعانفة من غير ما يخبط فى الدورق بجانب راسه او ينفخ خياشيمه) دة
معناه انه هدى وجاهز للتزاوج وفى الحاله دى بننزل الانثى فى الحوض بس برفق
علشان منهدش العش.

تتم عمليه التزاوج زى ما فى الصور التاليه وهنا تخرج الانثى من 3 الى 5
بيضات(بص على الصوره 10 فى عمليه التعصير) يلتقطهم الذكر بفمه ويقوم
بتثبيتهم فى العش, الموضوع دة حايتكرر حوالى 100 مره او اكثر واول ما تلاقى
الذكر بعد عن الانثى او بدا يبعدها عن العش نرفعها من الحوض علشان
ميموتهاش (خوفا" على عياله).

فى الفترة دى الذكر حايمتنع تماما" عن الاكل وحايقضى الوقت كله بيلم البيض
اللى بيقع على الارضيه ويرجعه فى العش ويبعد اى تهديد حقيقى او وهمى (علشان
كدة بلاش نستفزه بالنور العالى مثلا او نقرب وشنا من الحوض).

البيض بيفقس بعد حوالى من 24 الى 36 ساعه وبمجرد فقس البيض يترك ليك خيارين
اما نسيب الذكر لغايه ماالصغار تسيبوا العش او نشيله بمجرد الفقس وانا
افضل نشيله مع الفقس لان حصل معايا قبل كده ان اب حنون ومطلع 4 عشوش كامله
اكل عياله كلهم بدون اى مناسبه!

بالنسبه للاكل الطحالب الخضراء والانفيزوريا مهمه جدا(سبق وشرح لنا نينجا
ازاى بتتجهز برطماناتها) اما فقس بيض الجمبرى فهو ضروره علشان العش كله
يعيش وكمان اللون بناع السمك يتظبط.

الولدة تتساب فى الحضانه اسبوعين بس كل يوم نشيل كوبايتين مياه ونحط مكانهم
كوبايتين جداد (ميه مركونه عده ايام) بعد كده بنهايه الاسبوعين لازم
الولده تتنقل بمياهها الى حوض اكبر ونزود مياه يوميا بردة بس من غير ما
نشيل مياه من الحوض الجديد ولازم هنا يكون فيه فلتر بس سفنج عادى علشان ما
يعملش تيار هوا قوى.

اول ما السمك بيدا يلون وزعانفة تكبر لازم نعزل الذكور عن بعض علشان ما
يحصلش معركه (بيكونوا هاديين ومافيش مشاكل ومرة واحده بدون سابق انذار
بتبدا حرب ضروس وبتنتهى سريعا زى ما بدات بدون اى احياء حتى الاناث واخينا
المنتصر كله بيتفرم ضرب!!!!)

بالنسبه لسن التزاوج فالعامل الرئيسى فى التزاوج هو الاستعداد مش السن يعنى
لو ذكر متربى فى بيئه صحيه ووفره غذاء احسن بكتير من اللى عمره اكبر بس
مظلوم فى دورق صغير مثلا" وعموما انا شخصيا بافضل احط ذكر مستورد مع انثى
مصرى واجمل حاجه فى الفايتر انك بنقعد تلعب بالالوان زى مانت عاوز وكمان
داوقتى ظهرت سلالات زعانفها مشرشره بالكامل جميله وتفريخها سهل

واحنا بنستورد الفايتر فى مصر من سنغافوره وتايلاند )مستوردين الاسماك
بيتعاملوا مع البلدين دول بس) وان كان الفيتر اساسا من دولة سيام.


ودى مجموعة صور لعمليه التزاوج

طريقه تفريخ الفايتر من الالف الى الياء مع الصور BettaBreeding
طريقه تفريخ الفايتر من الالف الى الياء مع الصور BettaBreeding2
طريقه تفريخ الفايتر من الالف الى الياء مع الصور BettaBreeding3طريقه تفريخ الفايتر من الالف الى الياء مع الصور BettaBreeding4
طريقه تفريخ الفايتر من الالف الى الياء مع الصور BettaBreeding5طريقه تفريخ الفايتر من الالف الى الياء مع الصور BettaBreeding6
طريقه تفريخ الفايتر من الالف الى الياء مع الصور BettaBreeding7طريقه تفريخ الفايتر من الالف الى الياء مع الصور BettaBreeding8
طريقه تفريخ الفايتر من الالف الى الياء مع الصور BettaBreeding9طريقه تفريخ الفايتر من الالف الى الياء مع الصور BettaBreeding10

واحب اختم بانى اقول ان التجربه هى خير برهان وكمان لو حاولنا ومانجحناش دة
موش معناه ان احنا فشلنا فى تفريخ الفايتر او غيره دة معناه ان احنا
حاولنا وغاطنا والمره الجايه حنكون بنحاول وفرصتنا اكبر علشان اتعلمنا حاجه
من التجربه السابقة
الرجوع الى أعلى الصفحة اذهب الى الأسفل
معلومات العضو
شبح الاجيال

شبح الاجيال


...::|مرحاوي جديد|::...
معلومات إضافية
مزاجــي : فرحان
الجــنس : ذكر
المـشـاركات : 13
نقــاط التميز : 50019
معلومات الاتصال
مُساهمةموضوع: رد: طريقه تفريخ الفايتر من الالف الى الياء مع الصور   طريقه تفريخ الفايتر من الالف الى الياء مع الصور I_icon_minitimeالأحد أبريل 29, 2012 12:46 am

مشكور جدا اخى
الرجوع الى أعلى الصفحة اذهب الى الأسفل
 

طريقه تفريخ الفايتر من الالف الى الياء مع الصور

استعرض الموضوع التالي استعرض الموضوع السابق الرجوع الى أعلى الصفحة 
صفحة 1 من اصل 1

 مواضيع مماثلة

-
» سمك الفايتر,تفريخ سمك الفايتر,سمك الجهاز التنفسى,الفايتر
» تفريخ الجورامى من الألف إلى الياء بالصور
» كيفية تغذية زريعة سمك الفايتر طريقة عمل وجبة سريعه وبسيطه
» تغذيــة سمك الفايتر اناث وذكور
» صور سمك الفايتر,Siamese fighting fish photos

صلاحيات هذا المنتدى:لاتستطيع الرد على المواضيع في هذا المنتدى
شــــبكة عرب مرح :: عرب مرح العام :: منتدى الاسماك و طيور الزينة :: قسـ،ـم أسمـ،ـ،ـاكـ الزينـ،ـة للميـ،ـاة العذبـ،ـة-

مواضيع ذات صلة